بلاگ پر ویڈیوز اور تصاویر
بلاگ کے نئے صارفین کو کئی مسائل کا سامنا رہتا ہے۔ ابتداء میں چھوٹے چھوٹے مسائل بھی بہت بڑے محسوس ہوتے ہیں۔ ان ہی میں ایک مسئلہ بلاگ پر کوئی تصویر یا ویڈیو لگانا ہے۔
سب سے پہلے بلاگ پر تصویر لگانے کا طریقہ:
آسان ترین طریقہ یہ ہے کہ کسی امیج ہوسٹ سائٹ پر اپنی تصویر اپ۔لوڈ کروالیں۔ مثلا امیج شیک پر۔ جب آپ کی تصویر اپ۔لوڈ ہوجائے گی تو اس کا لنک آپ پوسٹ ایڈیٹر میں وہاں پیسٹ کردیں جہاں آپ وہ تصویر ظاہر کروانا چاہتے ہیں۔
دوسرا طریقہ یہ ہے کہ جب آپ کوئی پوسٹ لکھنے کے لیے ایڈیٹر کھولتے ہیں تو ایڈیٹر کے نیچے دیکھئے گا، اپ۔لوڈز کا خانہ موجود ہوگا۔ وہاں آپ براؤز کرکے اپنی مطلوبہ تصویر اپ۔لوڈ کریں۔ جب اپ۔لوڈ ہوجائے گی تو آپ کے سامنے Send to Editor کا بٹن آجائے گا۔ اسے دبانے سے وہ تصویر پوسٹ میں شامل ہوجائے گی۔
شروع میں ممکن ہے کہ کچھ مشکلات پیش آئیں لیکن چند تجربات کیجئے، مزا بھی آئے گا اور پھر کامیابی بھی ملے گی ان شاء اللہ۔
بلاگ پر ویڈیو اپ۔لوڈ کرنے کا طریقہ:
تصویر کی طرح آپ جو ویڈیو اپنے بلاگ پر شائع کرنا چاہ رہے ہیں، اس کا بھی کہیں نہ کہیں اپ۔لوڈ ہونا ضروری ہے۔ ایسی بہت سی ویڈیو ہوسٹ سائٹس موجود ہیں جن میں یوٹیوب سر فہرست ہے۔ آپ یوٹیوب پر اپنا اکاؤنٹ بنا لیجئے (یعنی کہ سائن۔اپ کرلیں)۔ اس کے بعد اپنی ویڈیو یوٹیوب پر اپ۔لوڈ کیجئے۔ میں یہاں پر فرض کررہا ہوں کہ آپ جو ویڈیو اپنے بلاگ پر شائع کرنا چاہتے ہیں، وہ یوٹیوب پر موجود ہے۔ اس ویڈیو کو چلایئے۔۔۔
ایڈریس بار میں اس ویڈیو کا ڈائرکٹ لنک (URL) ہوگا جب کہ ویڈیو کے دائیں جانب ایک کوڈ Embedded Player کے نام سے ہوگا۔ اس کوڈ کو کاپی کرلیجئے اور اپنے بلاگ کے پوسٹ ایڈیٹر میں آکر پیسٹ کردیں۔ پوسٹ پبلش کرکے دیکھیں۔۔۔۔ لیجئے۔۔۔ پوسٹ میں ویڈیو شامل ہوگئی۔۔۔
اپنا قیمتی وقت دینے کا شکریہ۔
April 15, 2008 بوقت 6:40 pm
آپ کا بلاگ بہت ہی دلچسپ اور دل کو بھانے والا ہے کیونکہ اس میں بڑے سادہ انداز میں اپنے خیالات کا اظہار کیا گیا ہے۔مجھے آپ کا بلاگ بہت پسند آیا ہے اور اس کو اپنے پسندیدہ بلاگز کی فہرست میں شامل کر لیا ہے
April 16, 2008 بوقت 10:13 am
بلاگ کو پسند کرنے، اپنے تبصرے سے نوازنے اور اپنے پسندیدہ بلاگرز کی فہرست میں شامل کرنے پر آپ کا بے حد شکریہ۔ مجھے خوشی ہوئی۔ امید ہے کہ آپ آتے رہیں گے۔
April 17, 2008 بوقت 9:23 am
اسلام علیکم،
راہبر شعروشاعری لکھتے ہوئے اسے سینڑ میں کیسے لکھتے ہیں؟ اور گوگل ایڈسینس کی طرف بھی توجہ دیں۔ اس کا طریقہ بتائیں اپ نے بدتمیز کا کہا تھا لیکن وہ شاید مصروف ہے۔
April 17, 2008 بوقت 3:53 pm
وعلیکم السلام عدنان زاہد۔۔۔!
اشعار لکھتے ہوئے انہیں درمیان میں کرنے کے لیے سینٹر الائن کرنا ہوگا لیکن اس کا صحیح کوڈ مجھے پتا نہیں۔ میں معلوم کرکے آپ کو بتادوں گا ان شاء اللہ جلد ہی۔
گوگل ایڈسینس کے بارے میں سچ بتاؤں تو اردو والوں کے لیے کوئی خاص فائدہ نہیں ہے۔ آپ میرے بلاگ کی حالت ہی دیکھئے۔ کب سے آپ کو یہ اشتہارات نظر آرہے ہیں لیکن اب تک کی کُل آمدنی صرف اعشاریہ 4 ڈالر ہے۔۔۔ یعنی آدھا ڈالر بھی نہیں۔۔۔ تو فائدہ؟
April 19, 2008 بوقت 1:58 am
السلامُ عليکُم
بہت بہت شُکريہ عمار آپ کے اس بلاگ کے لۓ اور بار بار آپ کو تنگ کرتی ہُوں اب نويں لوگوں کی پرابلمز حل کرنا اُن کا ہی کام ہے نا جو پہلے سے يہ سب جانتے ہوں تجرُبے کرنے کا ويسے بھی مُجھے بہت شوق ہے سو
اس طرح تو ہوتا ہے اس طرح کے کاموں ميں
اپناخيال رکھنا
دُعاگو
شاہدہ اکرم
April 20, 2008 بوقت 9:20 pm
آپ کا بلاگ واقعی میں بہت پر کشش ہے۔۔ اور میرے پسندیدہ بلاگز میں سے ہے۔۔۔ ایک سوال جو میں پوچھنا چاہتا ہوں وہ یہ کہ اردو بلاگ پر ایڈسینس لگانے کا کیا طریقہ ہے جبکہ جب بھی میں اپلاءی کرتا ہوں تو گوگل والے کہتے ہیں کہ آپ کی زبان ہم سپورٹ نہیں کرتے کیا اس کا کوئی اور طریقہ کار ہے؟؟؟؟ :sad:
April 21, 2008 بوقت 12:07 pm
وعلیکم السلام شاہدہ آنٹی۔۔۔ اور بہت بہت شکریہ آپ کا بھی۔
عادل جاوید چوہدری! میرے بلاگ کی تعریف کرنے اور پسند کرنے پر میں آپ کا ممنون ہوں۔ جیسا کہ میں پہلے لکھ چکا ہوں، گوگل ایڈسینس سے اردو بلاگرز کے لیے کوئی خاص کمائی نہیں۔ اگر وزیٹرز بہت زیادہ ہوں تو شاید کام بن سکے۔ اب میں اس کا دو نمبر طریقہ بتادیتا ہوں اور وہ یہ ہے کہ جب آپ ایڈسینس کے لیے اپلائی کرتے ہیں تو اس میں اپنی سائٹ کا لنک دینے کے بجائے کسی غیر معروف انگریزی سائٹ کا لنک دیدیں جس پر پہلے سے اشتہارات نہیں چل رہے ہوں۔ کوشش کرکے دیکھیں، شاید کام بن جائے۔
April 21, 2008 بوقت 5:56 pm
بہت بہت شکریہ راہبر۔۔۔
میںکوشش کرتا ہوں اور پھر آپ کا بتاؤ گا۔۔۔ :cool:
عادل جاوید چودھری’s last blog post..پاکستانی مغوی سفیر کی عرب ٹی وی کی جانب سے ویڈیو اور پاکستانی طالبان