جب وی میٹ
“Jab We Met” شاہد کپور اور کرینہ کپور کی حال ہی میں ریلیز ہونے والی کامیاب ترین فلم ہے۔ باکس آفس انڈیا نے اس فلم کو سپر ہٹ کا درجہ دیا ہے۔ یہ کہانی ہے ایک ایسے نوجوان کی جس کا امیر باپ مر جاتا ہے اور اس کی ماں بھاگ کر کسی اور سے شادی کرلیتی ہے جس کی وجہ سے اس نوجوان لڑکے کو ہر جگہ سے طعنہ سننے کو ملتے ہیں یہاں تک کہ یہ تنگ آجاتا ہے اور سب کچھ چھوڑ کر انجانی راہوں پر گم صم چل پڑتا ہے۔ بس کے سفر کرتا ہے اور پھر اپنے خیالوں میں گم بغیر ٹکٹ لیے ٹرین میں سوار ہوجاتا ہے۔ اس کی ہم سفر ہوتی ہے ایک باتونی لڑکی جو بس بولتی چلی جاتی ہے، بولتی چلی جاتی ہے۔۔۔۔۔۔۔۔ کہانی آگے بڑھتی ہے۔ لڑکے کی وجہ سے لڑکی ٹرین سے نیچے اترتی ہے اور پھر اس سے ٹرین چھوٹ جاتی ہے۔ وہ سخت غصہ میں اس بات کا ذمہ دار لڑکے کو ٹھہراتی ہے اور اس کو کہتی ہے کہ اب اسے گھر پہنچائے۔۔۔ یوں ایک دلچسپ کہانی کا آغاز ہوتا ہے۔ ریلوے اسٹیشن کے باہر لوگوں کا اسے کال گرل سمجھنا، پھر ہوٹل والے سے بے وقوفانہ باتیں۔۔۔ لڑکی اس لڑکے کی خاموشی توڑنے کی کوشش کرتی ہے۔ پھر لڑکی کے گھر جانا، وہاں سے فرار ہونا، لڑکی کا غائب ہونا، دوبارہ برے حال میں ملنا۔۔۔۔ غرض کہ بہت ہی شاندار فلم ہے۔
زیادہ واہیات نہیں ہے۔ لباس بھی مناسب ہیں اور کہانی بھی۔ اگر آپ فلمیں دیکھا کرتے ہیں تو اس فلم کو ضرور دیکھئے گا۔
اپنا قیمتی وقت دینے کا شکریہ۔
December 24, 2007 بوقت 10:02 pm
اچھی فلم ہے چند دن پہلے ہی مبلغ دس روپےکی سی ڈی کرائے پر لا کر دیکھ چکا ہوں۔ اب بھی کاپی ہوئی پڑی ہے کہیں۔۔۔جگہ کم ہوگی تو اڑاؤں گا۔ اس کے گانے ایف ایم ریڈیوز پر بڑے ہٹ ہوئے ہیں۔
محمد شاکر عزیز’s last blog post..ویکیا (Wikia) کے پرائیویٹ بیٹا کا اجراء
December 25, 2007 بوقت 1:47 am
ہاں واقعی اچھی فلم ہے۔ اوم شانتی اوم سے پہلے یہ دیکھی تھی۔ گانے اس کے اتنے پسند تو نہیں آئے، لیکن فلم اچھی تھی۔
ماوراء’s last blog post..عید تھیم
December 26, 2007 بوقت 10:25 am
شاکر بھائی! اب تو ہمیں زیادہ تر فلمیں کرائے پر لانے کی بھی ضرورت نہیں پڑتی۔ کراچی میں کیبل نیٹ والے کا اپنا ایف ٹی پی سرور ہوتا ہے، وہیں اپ۔لوڈ ہوجاتی ہیں ساری فلمیں۔
ماوراء! گانے تو میں نے بھی زیادہ نہیں سنے ہیں اس کے، بس فلم کی تعریف ہی سنی ہے۔
December 26, 2007 بوقت 10:41 am
آج بہت دنوں بعد انٹرنیٹ کا رخ کیا ہے، اور آپ کی یہ پوسٹ پڑھی۔ ویسے مجھے فلمیں دیکھنے کا جنون تو نہیں البتہ کبھی کبھی کسی کے کہنے پر دیکھ لیتا ہوں۔ اس فلم کا نام ہی اتنا عجیب ہے کہ دیکھنے کا دل نہیں کر رہا اور نہ ہی اس طرح کے موضوعات سے مجھے دلچسپی ہے۔ البتہ چند روز قبل ایک انگریزی فلم “Shooter” دیکھنے کا اتفاق ہوا۔ اس بارے میں تفصیلات تو نہیں بتا سکتا لیکن فلم واقعی دیکھنے سے تعلق رکھتی ہے۔ اس بارے میں کچھ معلومات اور کہانی آپ کو وکیپیڈیا سے مل جائے گی۔ اگر مزاج سے میل کھائے تو ضرور دیکھیے گا
http://en.wikipedia.org/wiki/Shooter_%282007_film%29
گذری ہوئي عید مبارک ہو۔
December 27, 2007 بوقت 1:14 am
اچھی فلم ہے لیکن شاہد کپور کرینہ کے آگے بچہ لگتا ہے۔ اگر میںساتھ ہوتا تو شائد زیادہ مناسب ہوتا :mrgreen:
میرا خیال ہے کہ یہ فلم گانوںکی وجہ سے ہٹہوئت ہے گرچہ کہانی بھی ذرا ہٹ کے ہے۔
فیصل’s last blog post..دہشت کے سیب
December 27, 2007 بوقت 10:33 am
ابوشامل! میں صرف وہ فلمیں دیکھا کرتا ہوں، جن کے بارے میں بہت زیادہ تعریف سننے میں آتی ہے۔
چلیں، اگلی فرصت میں فلم Shooter بھی دیکھتے ہیں۔
فیصل بھائی! آپ اگر کرینہ کپور کے ساتھ ہوتے تو شاید کل کوئی یہ کہہ سکتا کہ کرینہ کپور آپ کے سامنے بچی لگتی ہے۔