ہم چلے جِم!
اور ہم نے اپنے پھیلتے جسم کا آخر علاج سوچ ہی لیا۔۔۔۔ ایک مہینہ ہونے کو آیا ہے ہمیں جِم جاتے ہوئے۔۔۔ عموما لوگ باڈی بلڈنگ کرنے آتے ہیں جِم لیکن میں وہاں اپنا موٹاپا کم کرنے جاتا ہوں۔۔۔۔۔۔۔۔ دفتر سے واپسی پر شام/ رات کو جِم پہنچتا ہوں۔ آدھ/ پون گھنٹہ ورزش اور مختلف مشقیں کرتا ہوں، پھر گھر کو۔۔۔ دعا کریں جلد سے جلد اسمارٹ ہوجاؤں۔۔۔۔۔۔۔۔ 
اپنا قیمتی وقت دینے کا شکریہ۔
November 27, 2007 بوقت 6:40 am
صرف ایک بات یاد رکہیں کھ ورزش یا کوئی بہی عمل تسلسل مانگتا ہے وگرنہ وہ فائدے کی بجائے نقصان دہ ہوسکتا ہے۔ اب اگر ورزش شروع کی ہے تو پھر اسے تاحیات جاری رکھیے گا
November 27, 2007 بوقت 10:09 am
خدا کرے آپ کو کامیابی ہو!!! افضل صاحب کی بات پر غور کرو!!
معلوم ہوتا ہے آج کل ہر کوءی اس عذاب میں مبتلا ہے!! ہم لوگوں کا بیٹھا رہنا اس کی وجہ ہے!! میں خود اب صاحب توند ہو!!!
November 27, 2007 بوقت 10:28 pm
جی ہاں۔۔۔ تسلسل ہی تو مسئلہ ہے۔ ویسے ابھی ہفتہ میں ایک/ دو ناغے ہوجاتے ہیں میرے۔۔۔۔
دن بھر کی تھکن کے بعد جِم جانا بڑا مشکل ہوتا ہے۔
شعیب بھائی! واقعی آج کل کافی لوگ اسی مرض میں نظر آتے ہیں۔۔۔ میرا تو کام ہی دن بھر بیٹھے کمپیوٹر پر کام کرنا ہے۔۔۔ لہذا جب سے یہ ملازمت اختیار کی ہے، توند میں اضافہ ہوئے جارہا ہے۔۔۔۔
November 28, 2007 بوقت 7:03 am
سوائے میرا پاکستان کی بات کے سب کچھ غلط ۔ اگر موٹاپا دور کرنا ہے تو میری شاگردی اختیار کیجئے ۔ ابھی بھی دیسی گھی کی ہنڈیا کھاتا ہوں ۔ ناشتہ میں مکمل پنیر یا ۔ ملائی یا انڈا یا مکی کی دیسی گھی میں تلی ہوئی روٹی کھاتا ہوں اور قد 5 فٹ 9 انچ ۔ کمر 34 انچ ہے اور وزن 64 کلو گرام ۔ کیا خیال ہے ؟
November 28, 2007 بوقت 10:30 pm
واؤؤؤؤؤ۔۔۔۔۔۔۔۔۔۔۔ اب ہمیں آپ کی طرح دیسی گھی کہاں میسر ہو۔۔۔ ویسے اگر میرے کھانے کے بارے میں جانیں گے تو پتا چلے گا، وہ بھی کچھ کم نہیں ہے۔۔۔۔ ناشتہ میں روزانہ ایک پراٹھا اور اتوار کو دو پراٹھے، ساتھ میں دہی، ملائی، انڈہ، مکھن، جیلی، مایونیز وغیرہ میں سے ایک دو چیزیں ہوتی ہیں۔۔۔ دوپہر میں ڈیڑھ پراٹھا۔۔۔ رات کو ڈیڑھ یا دو روٹی۔۔۔ لیکن میرا وزن۔۔۔۔۔ افففف۔۔۔۔۔۔۔ 83 کلو گرام۔۔۔۔
قد چھ فٹ۔۔۔ اور کمر۔۔۔۔ شاید 36۔۔۔۔۔ :???:
November 29, 2007 بوقت 2:25 am
83 کلو گرام۔۔۔۔۔۔۔۔۔۔۔۔۔۔ :shock: ۔۔۔۔۔۔۔۔۔۔۔۔۔۔۔خدا کی پناہ
میں دو سال سے کمپیوٹر کے آگے روزانہ تقریبآ دس گھنٹے بیٹھتا ہوں لیکن پیٹ شریف گھستا جا رہا ہے۔
افتخار انکل کے مشوروں پر عمل کروں گا شاید افاقہ ہو۔۔۔۔
November 29, 2007 بوقت 6:26 am
غذا کا متوازن ہونا ضروری ہے۔ کراچی میں رہنے والوں کا یہ ایک کامن مسئلہ ہے اس کی وجہ ورزش یا جسمانی مشقت سے قطعا لاتعلقی ہے۔ میں خود اسی مسئلے کا شکار رہ چکا ہوں۔ مگر لائف اسٹائل میں ذرا سی تبدیلی کمال کردیتی ہے۔ پیدل چلیں، زینے استعمال کریں، موٹرسائیکل یا کار کا استعمال کم کریں اور پراٹھوں سے اجتناب کریں۔ کراچی میں رہنے والوں کم کھانا چاہئے اور متوازن کھانا چاہئے۔ ہمارے موسم کے حساب سے ہمارے جسم کو جن چیزوں کی ضرورت ہے ان میں پراٹھا، دیسی گھی، انڈے اور گوشت انتہائی مضرصحت ہیں کیونکہ یہ جو چکنائی بناتے ہیں ہیمارے لائف اسٹائل میں ہم وہ استعمال نہیں کرتے نہ ہی موسم سے لڑنے کے لئے ہمیں ان کی ضرورت ہوتی ہے۔ سبزیاں، صاف پانی، دودھ، دہی، مرغی یا مچھلی، پھل کھائیں۔
November 29, 2007 بوقت 10:58 pm
یہی تو۔۔۔۔۔۔۔۔۔۔۔
اب کیا کریں۔۔۔! ویسے بڑا مشکل ہے میرے لیے پراٹھے چھوڑنا لیکن سوچ رہا ہوں کہ اس پر بھی سنجیدگی سے غور کروں۔۔۔ خدا میری مدد کرے۔۔۔۔۔۔۔!
November 30, 2007 بوقت 12:17 pm
ہیںںںںں اتنے سارے موٹے لوگ
اجمل انکل کے بارے میں تو مجھے پہلے ہی پکا یقین تھا کہ انکل بہت اسمارٹ ہوں گے۔۔۔اچھا لگا اپنے یقین کو سچ ثابت ہوتا دیکھ کر۔۔۔
December 7, 2007 بوقت 6:29 pm
یااللہ۔۔۔83 کلو۔۔۔
اچھا، عمار۔۔کوئی فرق پڑا ہے یا کوئی نہیں؟
December 7, 2007 بوقت 10:41 pm
ہاں ماوراء! فرق پڑا ہے نا۔۔۔۔۔۔۔ فرق یہ پڑا ہے کہ میں نے جِم جانا چھوڑ دیا ہے۔۔۔۔۔۔
December 8, 2007 بوقت 1:49 pm
کیوں۔۔۔؟؟ میں تو سوچ رہی تھی کہ اگر کوئی پیش رفت ہوئی تو میں بھی جم جوائن کروں گی۔
ویسے کیوں چھوڑ دیا؟ کیا مشکل تھا؟
اور اگر جم جانا چھوڑ دیا ہے تو ایسا کرو کہ پراٹھے کھانا بھی چھوڑ دو۔۔۔!
December 9, 2007 بوقت 10:26 pm
نہیں ماوراء! مشکل اتنا نہیں تھا، بلکہ بالکل مشکل نہیں تھا۔ میں نے چھوڑ دیا تو صرف اس لیے کہ دفتر سے واپس آکر بالکل ہمت نہیں ہوتی تھی اور اکثر ناغہ ہوجاتا تھا۔ اس کے علاوہ میرا جسم ذرا نازک ہے۔
ذرا سا بھی کچھ کرو تو ہر چیز درد کا شکار ہوجاتی ہے۔۔۔ میرے سینے اور بازوؤں میں تکلیف رہنے لگی تھی۔ خیر! میں نے سوچا ہے کہ جنوری سے دوبارہ جانا شروع کردوں گا۔ گھر بیٹھ کر کچھ نہیں ہوسکتا سوائے ٹینشن کے۔۔۔۔ میں نے پراٹھے کم کردیے ہیں۔۔۔۔ خدا مجھے استقامت دے۔
December 11, 2007 بوقت 4:50 am
پراٹھے کھانے کی یا چھوڑنے کی استقامت؟ :wink:
December 13, 2007 بوقت 10:34 pm
چھوڑنے کی استقامت۔۔۔۔۔۔! اور ان شاء اللہ مجھے کامیابی ہوگی۔
پچھلے کچھ دن سے عمل کررہا ہوں اس پر۔